20170127, 多倫多

朝早10:40機但5點45就醒了,起身沖涼6:10出門,我仲擔心緊年三十會唔會無的士,有但估唔到深圳的士都會坐地起價。到咗機場都係8點幾,時間係足夠嘅但就係好難預有無車,寧早勿遲。

機場裏面入閘後有萬寧(藥房),買口罩稍爲有保溼作用,當然我係鼻敏感。

喺尾段40號閘口附近嗰邊仲有檔我認爲第一好食嘅雪糕牌子MOVENPICK,一個瑞士集團。當然我講嘅好食係喺當地嚟講。

IMG_2093

飛機幾乎滿人,估唔到年三十都仲有旅行團。前段時間聽講過國泰航空會縮減座位尺寸唔知我座呢班實行咗未,位置仲算可以就係坐咗14粒鍾腰骨痛。如果啲“塞豆窿”唔調皮又唔嘈嘅話坐附近其實几舒適嘅。機艙前面嗰排位通常係留作BB位嘅,飛行途中BB一定會喊,所以自備降噪耳機係必要嘅。我係喺入閘前買嘅Bose,入閘後係無得賣嘅,當然裏面有其它牌子。

首先選定餐點會優先攞畀你食先。我選嘅係“非牛肉餐”,兩次上嚟都係雞肉或魚柳菜單上係無嘅算係隱藏菜單。

哈根達斯雪糕,開蓋唔係完美嘅開口笑呢。

IMG_2096

加拿大嘅入境紙,有啲內容幾費解,比如話問你離境會帶几多金額物品走,有無無隨身嘅行李。會唔會買嘢,買几多嘢走點講得埋嘅呢。未隨身行李,託運中嘅算唔算?

IMG_2095

海關官員一如即往問我呢類問題:

where are you from?

HK.

What’s you purpose of trip?

Vist my relatives.

見到我有tick食品項就跟住問係乜

nuts.

跟住就喺張Forms上面確認簽字,呢張Forms攞行李之前仲會檢查一次,攞咗行李後仲會回收。

多倫多是日溫度-1度,飄雪,堆雪人係無望了。

Bookmark the permalink.

Comments are closed.