美國游-Day2

噚晚成日瞓唔好,斷斷續續咁睇下電影又起身行下,唔得又瞓過,真係無諗到會去美洲會仲辛苦過去歐洲嘅,或者係講無諗到坐日機係仲辛苦過坐夜機。。。

HK到Chicago嘅航班係行太平洋嘅,不過後尾聽Tifan講先知由北京或者上海出嘅航班係行北極架,睇咗下世界地圖,似乎兜北極會近好多嘅樣。睇住旁邊啲鬼佬個個都攞iPad出嚟玩,而我又無準備到,連本書都無,鬼咁無聊,真後悔點解會無諗到帶部Kindle出嚟。而我部MBP又睇咗部電影之後就無電了,出嚟玩真係要Air適合啲。

坐咗十四個鐘頭機,終於到咗Chicago International Airport。不過呢個只係中途轉機,仲要坐4個幾鐘去New York。

辦完咗入境手續之後,見到機場裏面竟然放咗一副恐龍骨模型,我先幾日都訂咗一副細嘅,而且又唔貴。

IMG 1692

捱咗十四個鐘,要揾嘢食了,望嚟望去都唔敢講得出聲嘅餐廳,最終選擇M記,不過驚講錯單詞,揾部字典督清楚先敢開聲。其他M記真係無大陸咁多品種,而且又對佢啲餐下面兩個價錢抱有疑問(meal7.6,sandwich6.5),後尾終於明白係套餐同單點嘅意思,學到一樣嘢了。俾錢嗰陣又學到另一樣嘢:帶小數嘅金額用英文點講。個包到手先發現同大陸一樣咁細個,食咗落口更加覺得味道一樣——咁難食!

IMG 1691

等機過程中發現好多靚仔靚女,應該係學生哥,US啲細路咁大個就可以自己一個人坐飛機轉了,教育制度真好。

IMG 1695

Tagged . Bookmark the permalink.

Comments are closed.